У сувязі з абвяшчэннем 2009 года Годам роднай зямлі і ў мэтах падтрымкі прапаноў калектываў работнікаў арганізацый, мясцовых выканаўчых і распарадчых органаў аб правядзенні рэспубліканскага суботніка Урад Беларусі рэкамендаваў органам дзяржкіравання, арганізацыям, мясцовым выканаўчым і распарадчым органам на добраахвотнай аснове правесці 11 красавіка рэспубліканскі суботнік на рабочых месцах.
Супрацоўнікі цэнтральнага апарату Міністэрства энергетыкі правядуць рэспубліканскі суботнік на сваіх рабочых месцах. Рабочую групу па падрыхтоўцы і правядзенню суботніка ў Мінэнерга ўзначаліць намеснік Міністра энергетыкі Міхадзюк М.І.

Заробленыя на рабочых месцах у дзень рэспубліканскага суботніка сродкі будуць пералічаны ў аблвыканкамы і Мінскі гарвыканкам і накіраваны на падрыхтоўку загарадных аздараўленчых лагераў да летняга сезона, стварэнне дадатковай інфраструктуры аграгарадкоў, а таксама рамонт, рэканструкцыю, аднаўленне і добраўпарадкаванне мемарыяльных комплексаў, мясцін баявой і воінскай славы.