Задачы на 2009 год па асваенню інвестыцый у асноўны капітал сур'ёзна скарэкціраваны, падкрэсліў міністр. Гэта звязана са скарачэннем бюджэтных асігнаванняў на рэалізацыю мерапрыемстваў Дзяржаўнай комплекснай праграмы мадэрнізацыі асноўных вытворчых фондаў Беларускай энергасістэмы, неабходнасці захавання тарыфаў на энергію і цаны прыроднага газу для спажыўцоў рэспублікі на ўзроўні 2008 года.
У гэтых умовах Міністэрства энергетыкі ўнесла прапанову ва ўрад аб фарміраванні інвестыцыйнай праграмы на 2009 год на ўзроўні Вr1943,5 млрд., што адпавядае тэмпу росту інвестыцый 85 працэнтаў. Прапанавана знізіць намечаны раней на 2009 год аб'ём інвестыцый на рэалізацыю мерапрыемстваў ДВА "Белэнерга" і ДВА "Белпалівагаз". Пры гэтым неабходна забяспечыць выкананне запланаваных першачарговых мерапрыемстваў Дзяржаўнай комплекснай праграмы мадэрнізацыі асноўных вытворчых фондаў Беларускай энергасістэмы па аб'ектах генерацыі, у тым ліку з выкарыстаннем мясцовых відаў паліва, энергазберажэння, аб'ёмы будаўніцтва аб'ектаў энергазабеспячэння да ўводзімага жылля, аб'ёмы будаўніцтва і замены цеплавых сетак, адзначыў Аляксандр Азярэц.
Скарачэнне затрат на рэалізацыю інвестыцыйнай праграмы па арганізацыях ДВА "Белэнерга" прадугледжваецца ў першую чаргу за кошт частковага скарачэння аб'ёмаў рэканструкцыі падстанцый 110/10 кВ і ліній электраперадачы напружаннем 110 кВ і больш, з выкананнем запланаваных аб'ёмаў работ у больш познія тэрміны і правядзеннем падтрымліваючага рамонту. Гэта забяспечыць надзейнае энергазабеспячэнне спажыўцоў, а таксама электрычных сетак у вёсцы ў 2009 годзе, а выкананыя ў папярэднія гады аб'ёмы рэканструкцыі і капрамонту электрычных сетак дадуць магчымасць забяспечыць неабходны ўзровень развіцця жыллёвага будаўніцтва і камунальнага добраўпарадкавання сельскай мясцовасці.
У крыніцах фінансавання інвестыцый на 2009 год улічаны крэдыты ў аб'ёме Вr500 млрд., а ўсяго неабходна прыцягнуць $410 млн. знешніх інвестыцый з асваеннем у 2009 годзе амаль $200 млн. і зачынам на 2010 год. У гэтых умовах асаблівая ўвага павінна быць удзелена прыцягненню прамых знешніх інвестыцый, што дасць магчымасць вызваліць існуючыя ўласныя інвестыцыйныя рэсурсы на рэалізацыю першачарговых праектаў, лічыць Аляксандр Азярэц.
На яго думку, для прыцягнення прамых інвестыцый неабходна актывізаваць работу ў 2009 годзе па стварэнню сумесных прадпрыемстваў у рамках ААТ "Захадэлектрасеткабуд", РУП "Белаазерскі электрамеханічны завод", будаўніцтва вугальнай Зэльвенскай кандэнсацыйнай электрастанцыі, ВЛ 400 кВ Рось - Нараў з устаўкай пастаяннага току і іншых праектах.
"У існуючых складаных фінансавых умовах, выкліканых уплывам глабальнага сусветнага крызісу, мы павінны разлічваць больш на свае сілы і не страціць заваяваныя пазіцыі па тэхнічнаму пераўзбраенню і рэканструкцыі, а таксама не дапусціць нарошчвання крэдытнага партфеля па разліках за энергарэсурсы і папаўненню абаротных сродкаў, праводзіць жорсткую работу па скарачэнню выдаткаў і эканоміі фінансавых сродкаў", - падкрэсліў міністр.