Азярэц Аляксандр Уладзіміравіч, нарадзіўся 9 мая 1953 года ў в.Гарбацэвічы Бабруйскага раёна Магілёўскай вобласці. У 1976 годзе скончыў Беларускі політэхнічны інстытут па спецыяльнасці "Цеплавыя электрычныя станцыі", у 1993 годзе - Акадэмію кіравання пры Савеце Міністраў Рэспублікі Беларусь па спецыяльнасці "Эканоміка і кіраванне вытворчасцю".

З 1976 па 1987 год - інжынер ВТА, начальнік змены котлатурбіннага цэха, старшы інжынер-кіраўнік лабараторыі металаў, намеснік начальніка котлатурбіннага цэха Віцебскай ЦЭЦ.

З 1987 па 1989 год - начальнік службы цеплатэхнічнага абсталявання раённага энергетычнага ўпраўлення "Віцебскэнерга".

З 1989 па 1996 год - намеснік галоўнага інжынера па цеплатэхнічнай частцы вытворчага аб'яднання "Віцебскэнерга".

З 1996 па 2000 год - намеснік генеральнага дырэктара па агульных пытаннях Віцебскага РУП "Віцебскэнерга".

З красавіка 2000 года - генеральны дырэктар РУП "Віцебскэнерга".

З мая 2006 года - Міністр энергетыкі Рэспублікі Беларусь.